Ermənistan malları Bakıda satılır? - “Xəzər Xəbər” iddiaları araşdırdı - VİDEO

Vətəndaşlardan biri Bakıda fəaliyyət göstərən brend mağazalardan birində Ermənistan istehsalı olan paltarların satılması ilə bağlı fotolar çəkərək sosial şəbəkələrə paylaşıb. Bu xəbər isə geniş müzakirələrə səbəb olub. Maraqlı məqam ondan ibarətdir ki, "Made in Armenia" yazısi hərbi stildə tikilən uşaq şalvarının etiketində qeyd olunub. "Xəzər Xəbər” iddiaları araşdırıb

Bakıda brend mağazaların birində Ermənistan istehsalı olan paltar satılır.Bununla bağlı çəkilən fotolar sosial şəbəklərdə geniş müzakirələrə səbəb olub.

Söhbət Paytaxtın iki iri ticarət mərkəzində fəaliyyət göstərən bir mağazadan gedir. Vətəndaşlardan biri bu mağazada satılan hərbi stildə tikilmiş uşaq paltarlarının etikentində ''Made in Armenia'' - "Ermənistanda istehsal edilib" yazısını görüb və şəklini çəkərək sosial şəbəkələrdə paylaşıb. Bu isə geniş müzakirələrə səbəb olub.

Gerçəkliyi məlum olmasa da insanlar "Ermənistanda istehsal edilib" markası vurulmuş geyimin Bakıya necə gəlib çıxdığını sual ediblər. Biz də məsələnin doğru olub-olmadığını araşdırmaq üçün həmin mağazaya baş çəkdik.

Mağazanın nümayyəndəsi İlham Mustafayev məsələdən xəbərdar olduqlarını bildirdi. Onun sözlərinə görə, satılan mallar İtalyan brendidir. Bura əsasən 12 ölkədən mallar gətirilir və etiketindədə də Çin, Banqladeş, Türkiyə və digər ölkələrin istehsalı sözləri yazılır.

Fotolarda ''Made in Armenia'' yazısının olduğunu bildirdikdə isə o, bununla bağlı araşdırma aparıldığını və paltarın onların mağazasına aid olmadığını dedi. Mağazada çəkiliş apardığımız zaman paltarların etiketində made in Banqladeş, Türkiyə, Çin yazıları əks olunmuşdu.