“Google”un gəlirləri açıqlandı - Tarixdə ilk dəfə...

Texnologiya nəhəngi "Google”un gəlirləri tarixində ilk dəfə azalıb.

Koronavirus epidemiyasının təsiri ilə 2020-ci ilin ikinci rübündə şirkətin reklam gəliri bir əvvəlki ilin eyni dövrü ilə müqayisədə 8 faiz, ümumi gəliri isə 2 faiz azalıb.

Google şirkətinin ana şirkəti olan "Alphabet”in gəliri 38.3 milyard dollar olaraq açıqlanıb. "Alphabet”in gəlirlərinin 4 faiz azalması gözlənilirdi.

"Financial Times” qəzetinin xəbərinə görə, "Google” rəsmiləri üçüncü rübdə yenidən böyüməyə başlayacaqlarına "təmkinli optimistlik" etdiklərini açıqlayıblar.

"Google”un baş direktoru Sundar Pichai istifadəçilərin onlayn fəaliyyətə qayıtdıqları zaman tarazlığın ilk əlamətlərini gördüklərini söyləyib.

Şirkətin maliyyə direktoru (CFO) Ruth Porat reklam gəlirlərinin iqtisadiyyatın ümumi vəziyyəti ilə sıx bağlı olduğunu və kövrək şərtlərin önümüzdəki aylar üçün qeyri-müəyyənlik yaratdığını söyləyib.

"Google”un ana şirkəti olan "Alphabet" in səhmləri son üç ayda 25 faiz qazanıb.

FT "Google”un reklam gəlirlərinin kiçik və orta sahibkarlıqdan çox asılı olduğunu və bu qisim sahibkarlığlın epidemiyadan ən ağır zərbə aldığını açıqlayıb.

Qeyd edək ki, "Google”un "YouTube”dakı reklam gəlirləri ikinci rübdə 6 faiz artaraq 3,8 milyard dollara, şirkətin bulud proqram təminatından əldə etdiyi gəlir 43 faiz artaraq 3 milyard dollara çatdı.