Whatsapp ilə pul köçürmələri necə işləyir? – Azərbaycana nə vaxt gələcək?

WhatsApp, Braziliyada pulsuz pul köçürmə xüsusiyyətini təqdim edir. Bir müddət Hindistanda sınaqdan keçirilən bu xüsusiyyət ilk dəfə Braziliya daxilində tətbiq edildi.

WhatsApp-ın bir müddətdir Hindistanda sınaqdan keçirildiyi pul göndərmə xüsusiyyəti, Braziliyada tam işlək vəziyyətdədir. Platformanın sahibi Mark Zuckerberg, bir fotoşəkil göndərmək qədər asanlıqla pul köçürə biləcəyinizi söylədi.

WhatsApp-dan pul köçürmə xüsusiyyəti hal-hazırda ölkəmizdə mövcud deyil. Yalnız Braziliyada mövcuddur. Bu xüsusiyyətin gələcəkdə bütün dünyada aktiv olacağı bildirilir.

Pul göndərmək üçün WhatsApp hesabınıza bank və ya kredit kartı nömrənizi daxil etmək kifayətdir. Təhlükəsizlik PIN və ya barmaq izi ilə təmin edilir. WhatsApp-dakı mesajlaşma ekranındakı pul göndərmə seçimini kliklədiyiniz zaman, məbləği daxil edin və barmaq izinizi oxudun, pul qarşı tərəfə göndərilir. Eyni ilə qarşı tərəfdən müəyyən miqdarda pul tələb etmək də mümkündür.

WhatsApp, Braziliyada 10 milyondan çox KOB olduğunu söyləyir. WhatsApp-ın pul köçürmə xüsusiyyəti, bu şirkətlərin asan ödəmə və rəqəmsal dönüş baxımından böyük rahatlığı təmin edəcəkdir.

WhatsApp-dan pul göndərmək fərdi istifadəçilər üçün tamamilə pulsuzdur. Korporativ hesablardan hesab idarəetmə haqqını ödəmək tələb olunur. Bunun digər ödəniş infrastrukturlarına nisbətən daha qənaətli olduğu deyilir.

Bu xüsusiyyətin Azərbaycana nə vaxt gələcəyi hələ məlum deyil. Ancaq təxmin edə bilərik ki, yaxın 1-2 ildi funksiya bizdə aktiv olmayacaq.