Meymun çiçəyinə yoluxan məşhur aktyor: “O qədər ağrı var idi ki"...

ABŞ aktyoru Mett Ford ölkədə “meymun çiçəyi” diaqnozu qoyulan və yaşadıqlarını danışan ilk insan oldu. 

ABŞ-da yaşayan 30 yaşlı aktyor Mett Ford son vaxtlar minlərlə insanda aşkarlanan meymun çiçəyi ilə bağlı təcrübələrini yerli mediaya izah edib.

İyunun 17-də meymun çiçəyi xəstəliyinə tutulduğunu və xəstələndiyini təxmin edən Ford, yaşadıqlarını və əlamətlərini izah edərək, xəstəlik prosesinin çox çətin keçdiyini bildirib.

Ford onun üzündə də sızanaq kimi qabarcıqların və yaraların əmələ gəldiyini fotoqrafiya ilə göstərdi.

Self jurnalına danışan Ford, “Yaxın təmasda olduğum bir dostumun meymun çiçəyi xəstəliyinə tutulduğunu bu yaxınlarda öyrəndim. Dərhal bədənimi skan etdim və qasıq nahiyəmdə bəzi qabarcıqlar gördüm. Onlar sızanaq və ya batıq tüklərə bənzəyirdi. Səhəri gün qripə bənzər əlamətlər meydana çıxdı.

Matt Ford həmçinin yüksək hərarət, öskürək və soyuqdəymə hisslərinin artdığını bildirib. Sonrakı günlərdə gecələr həddindən artıq tərlədiyini və bütün bədənində bu sızanaq kimi qabarcıqların görünməyə başladığını ifadə etdi. Ford bildirib ki, bu qabarcıqlar onun üzündə də yaranıb. Gənc oğlan deyib ki, yaralar bədənin müxtəlif nahiyələrində yaranıb və zaman keçdikcə ağrılı olub.

Sonrakı günlərdə simptomların daha da pisləşdiyini və bu qabarcıqların ağrımağa başladığını ifadə edən Ford, “O qədər ağrı var idi ki, yata bilmirdim. Mən əvvəllər belə bir şey yaşamamışam. Məndən nümunə götürdülər və analizim müsbət çıxdı”.

Xəstələndikdən düz 13 gün sonra sağlamlığına qovuşduğunu və bütün qabarcıqların getdiyini dilə gətirən Ford, “Xəstəliyim zamanı bədənimin müxtəlif yerlərində 25-dən çox baloncuk və yara əmələ gəldi”, – deyib.