Cennifer Lopezdən etiraf: Anam məni qəddarcasına döyürdü

Dünya pop səhnəsinin ulduzu Cennifer Lopez anası ilə olan münasibətlərindən danışıb.

XəzərXəbər xəbər verir ki, sənətçi anası Qvadelupe tərəfindən işgəncələrə məruz qaldığını deyib. Məlum olub ki, yeniyetməlik illərində Cennifer anası tərəfindən döyülüb. 

Bununla belə, müğənni tərbiyənin qəddar üsullarının faydalı olduğunu vurğulayıb.

“Məni çoxlu güclü qadınlar əhatə edirdi. Anam çox mürəkkəb insandır. Yaşamaq üçün lazım olana hər şeyə əl atırdı. Bu, onu güclü və daha möhkəm edirdi.
Bizi qəzəbindən yox, uşaqlarının müstəqil və sarsılmaz böyüməsi üçün qəddarcasına döyürdü. O, bizim müstəqil olmağımızı və heç vaxt kişilərə güvənməməyimizi istəyirdi. Evimizdə əsas qayda belə idi: "Yaşamaq istəyirsənsə, təhsil al”".