Vill Smitin Kris Roka hücumu araşdırılacaq

ABŞ Kino Akademiyası lazımi tədbirləri görmək üçün "Oskar" mükafatının təqdim etmə mərasimi zamanı Vill Smitin Kris Roka hücumu ilə bağlı insidenti araşdıracaq.

XəzərXəbər xəbər verir ki, bu barədə akademiyanın yaydığı açıqlamada bildirilib.

"Akademiya Cənab Smitin hərəkətlərini qınayır. Biz rəsmi olaraq insidentlə bağlı araşdırmaya başlamışıq və qaydalarımıza və standartlarımıza uyğun olaraq sonrakı addımları və baş verənlərin nəticələrini araşdıracağıq", - deyə qeyd olunub.

Qeyd edək ki, ötən gün V.Smit onun həyat yoldaşının xəstə olması ilə bağlı pis zarafat etdikdən sonra canlı TV-də K.Rokun üzünə sillə vurdu.