Qəzaya düşən məşhur aktrisanın ağzı əyildi

Türkiyəli məşhur aktrisa Nurgül Yeşilçay bir həftə əvvəl düşdüyü qəzadan danışıb.

XəzərXəbər "oxu.az"a istinadən xəbər verir ki, Arnavutköydə kameralara tuş gələn 45 yaşlı aktrisa qəzanın izlərinin hələ keçmədiyini bildirib.

“Əslində maşın sürməyi sevən biri deyiləm. Məcbur sürdüm. Əyləc əvəzinə qaza basdım. Həm dirəyə, həm də ağaca çırpıldım. Həkim nəzarəti, fizioterapiya davam edir. Qalıcı bir fəsad yoxdur. Üç aya düzələcək”, - deyə o bildirib.

Xatırladaq ki, aktrisa bir həftə əvvəl qəza keçirdiyi ilə bağlı “Instagram” hesabında paylaşım edib və izləyicilərini təhlükəsizlik kəmərindən istifadə etməyə çağırıb.

“Öz maşınımla böyük bir qəzadan sağ çıxdım. Ağzıma və çənəmə tikişlər qoyuldu. Fəsad qaldı və bir müddət davam edəcək”.

O deyib ki, üzü bir az əyilsə də özünü yaxşı hiss edir.