Deniz Seki həbsxanadan Sezen Aksuya məktub yazdı

Müğənni Deniz Seki 3 ilə yaxındır ki, Bakırköy qapalı qadın həbsxanasında cəzasını çəkir.

Müğənni sənət yoldaşı Sezen Aksuya təşəkkür məktubu göndərib.

Deniz Seki həbsdə olduğu müddətdə Sezen Aksudan bu məzmunda məkub alıb: "Çox sərt səbr imtahanından keçirsən. Həyat səni bir savaşçı kimi yetişdirir. Dik dur! Cəza çəkdiyin yeri bəhrələndiyin yerə çevir".

Deniz isə bu çağırışı dinləyib və həbsdə olduğu müddətdə altı sertifikat alıb.

Müğənni həbsxanada açılan gitara, teatr və dram, aşbazlıq, əl qabiliyyəti, protokol və süfrə, Reiki enerji kurslarında iştirak edərək sertifikat alıb. Deniz Seki aldığı sertifikatları təşəkkür məktubu ilə birlikdə Sezen Aksuya göndərib.

Qeyd edək ki, Deniz Seki bu ilin 5 iyun tarixində azadlığına qovuşacaq. Müğənni həbsdə olduğu müddət ərzində onlarla mahnı bəstələyib və iki kitab yazıb./olke.az