Kürdəmirdə ağır yol qəzası baş verib YENİLƏNİB/FOTO

Fövqəladə Hallar Nazirliyinin (FHN) "112" qaynar telefon xəttinə Kürdəmir rayonunun Atakişili kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Xezerxeber.az Fövqəladə Hallar Nazirliyinə istinadən xəbər verir ki, məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunublar.

Əməliyyat şəraiti qiymətləndirilərkən müəyyən olunub ki, “BAЗ” markalı minik avtomobili və "Ford" markalı yük avtomobili toqquşub, 1 nəfər sıxılmış vəziyyətdə qalıb.

Həyata keçirilən tədbirlər nəticəsində 1 nəfərin meyiti zədələnmiş minik avtomobilindən çıxarılaraq aidiyyəti üzrə təhvil verilib.

08:55

Kürdəmirdə baş verən yol qəzasında ölən və yaralanan var.

Xezerxeber.az xəbər verir ki, hadisə gecə saatlarında Bakı-Qazax avtomobil yolunda, rayonun Xırdapay kəndindən keçən hissəsində baş verib. İlkin məlumata görə hərəkətdə olan yük və minik avtomobillərinin toqquşması nəticəsində sürücülərdən biri hadisə yerində ölüb. Onun sərnişini olan qardaşı müxtəlif dərəcəli ağır bədən xəsarəti ilə Kürdəmir rayon Mərkəzi Xəstəxanasına çatdırılıb.

Faktla bağlı araşdırma aparılır.