Yevlaxda beşmərtəbəli yaşayış binasında yanğın olub

Yevlax şəhərində beşmərtəbəli yaşayış binasında yanğın baş verib.

Xezerxeber.az Fövqəladə Hallar Nazirliyinə istinadla xəbər verir ki, binanın birinci mərtəbəsində ümumi sahəsi 64 kvadratmetr olan üçotaqlı mənzilin mətbəxində 1 poqonometr mebel, 1 ədəd paltaryuyan maşın və 1 ədəd soyuducu qismən yanıb, yüksək temperaturdan mətbəxin 1 ədəd plastikdən ibarət qapısı əriyib.

Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.