Xocalıda "Shacman" markalı yük avtomobil aşıb.
Daxili İşlər Nazirliyindən Xezerxeber.az-a verilən xəbərə görə, iyulun 18-də saat 22 radələrində Xocalı rayonunun Baharlı kəndi ərazisində Füzuli rayon sakini S.Dərgahov idarə etdiyi “Shacman” markalı avtomobilini su arxına aşırıb.
Nəticədə avtomobildəki sərnişin S.Ağayev hadisə yerində ölüb, sürücü isə xəstəxanaya yerləşdirilib.
Xocalı Rayon Polis Şöbəsində araşdırma aparılır.