Yapon alim dünyanın gələcəyi haqqında nələr dedi?

Yaponiyanın aparıcı futuristi və hökumətin məsləhətçisi Morinosuke Kavaquti dünya üçün yeni pandemiyalar proqnozlaşdırıb. Səbəblər əvvəlki kimi qalacaq: insanların ümumi sağlamlıqlarının pis olması və həyat tərzini dəyişdirmək istəməmələri.

"RİA Novosti” xəbər verir ki, mütəxəssisin sözlərinə görə, kritik anlarda insanlar qorxurlar və vəziyyətin daha pis inkişafını gözləyirlər.

"Ancaq digər problemlər kimi, bu da keçəcək. Sonra hər şey sanki heç bir şey olmamış kimi yenidən öz yerinə qayıdacaq. Eyni zamanda, bir çox ölkədə zəif səhiyyə xidməti ilə yanaşı dünya əhalisi arasında diabet və piylənmə kimi problemlər artacaq. Əlbətdə ki, bu, koronavirusdan ölümlə əlaqəli əhəmiyyətli bir məsələdir. Sadəcə bu barədə heç kim danışmır. Ancaq belə şəraitdə də insanlar həyat tərzini dəyişdirmək istəmirlər və problemi ciddi qəbul etmirlər. Bundan əlavə, siyasətçilər və səhiyyə şirkətləri mövcud vəziyyətdən faydalanmağa çalışırlar. Koronavirus planetə yayılan son ölümcül infeksiyadır. Vəziyyət təkrarlana bilər, ancaq viruslar bəşəriyyətin təkamülünə kömək etdi” , - Morinosuke Kavaquti bildirib.

Xatırladaq ki, Ümumdünya Səhiyyə Təşkilatının (ÜST) baş direktoru Tedros Adanom Qebreyesus son bir ildə baş verən hadisələrin və koronavirus pandemiyasının dünyaya 2021-ci ilə qədər öyrənilməsi lazım olan böyük bir dərs verdiyini bildirib. Beləliklə, hökumətlər səhiyyə sahəsindəki investisiyaları artırmalıdır. Birincisi, bütün vətəndaşları koronavirus əleyhinə peyvəndlərlə təmin etmək lazımdır. Bundan əlavə, siyasətçilər sağlamlıq sistemlərinin yaxınlaşan növbəti pandemiyaya tam hazır olmasını təmin etməlidirlər./Publika.az