Kartof qızartmasını dadlı edən VACİB MƏSLƏHƏTLƏR

Kartof qızartması çox asan hazırlanan yemək növüdür. Amma nədənsə hər kəsdə dadlı alınmır, istənilən formada qızarmır. Bəs kartofun dadlı olması üçün nə etmək lazımdır?

XəzərXəbər kartof qızartmasını daha dadlı edən bir neçə məsləhəti təqdim edir.

Soyuq və sirkəli su

Kartofları suda saxlayanda içərisindəki nişasta yavaş-yavaş tökülür və tərəvəz yumşalır. Bu, kartofların yaxşı qızarmasına mane olan başlıca amildir. Odur ki, kartofları buz kimi suyun içinə atın və bir-iki damcı sirkə əlavə edin.

Soda əlavəsi

Sodanın kartof qızartmasını daha dadlı etdiyini bilirdiniz? Bunun üçün soda və duzu suya töküb qarışdırın. İçinə kartofları da atıb 30 dəqiqə gözləyin. 30 dəqiqədən sonra süzüb qızartmağa başlayın.

Dondurma üsulu

Dondurulmuş kartofları qızardanda xırt-xırt etdiyini yəqin ki, hiss etmisiniz. Eyni üsulu evdə də tətbiq etmək olar. Bunun üçün kartofları dilimləyib, soyuducuya qoyub donmasını gözləyin. Ən əhəmiyyətlisi, soyuq halda qızardın./publika.az