Qazaxıstan Bakı-Supsa marşrutu ilə neft tədarükü imkanını nəzərdən keçirir

Qazaxıstanın energetika naziri Almasadam Satkaliyev qazax neftinin ixrac marşrutlarının inkişafı perspektivlərini təqdim edib.

Xezerxeber.az Qazaxıstan Respublikasının Energetika Nazirliyinə istinadla xəbər verir ki, bazar ertəsi parlamentdə keçirilən hökumət saatında çıxış edən nazir Bakı-Supsa neft kəmərindən istifadənin mümkünlüyü barədə danışıb.

A.Satkaliyev qeyd edib: “Bakı-Supsa neft kəmərinin imkanları nəzərdən keçirilir. Onun ötürmə qabiliyyəti ildə 5 milyon ton, mümkün tədarük həcmi isə ildə 3 milyon tona qədərdir”.

Qazaxıstanın energetika nazirinin sözlərinə görə, hazırda bu marşrutdan istifadə qiymətləndirmə və müzakirə mərhələsindədir.