Pakistandan Azərbaycana səfər edənlərin sayı 51 faiz artıb

Bu ilin yeddi ayında Pakistandan Azərbaycana səfər edənlərin sayı kəskin artaraq 40 mindən çox olub ki, bu da 51 faiz artım deməkdir.

Xezerxeber.az xəbər verir ki, bu barədə iqtisadiyyat nazirinin müavini Səməd Bəşirli Bakıda keçirilən Azərbaycan-Pakistan biznes-forumunda deyib.

O bildirib ki, iki ölkə arasında turizm sahəsində əməkdaşlığın genişləndirilməsi üçün böyük potensial var.

Qeyd edək ki, AZAL həftədə iki dəfə Bakıdan İslamabada, Bakıdan Kəraçiyə və Bakıdan Lahora uçuşlar həyata keçirir.