“Alphabet”, “Apple” və “Meta” ilə bağlı araşdırma başlayıb

Avropa Komissiyası (AK) Avropa İttifaqının rəqəmsal bazarlar qanununun pozulması iddiası ilə “Alphabet”, “Apple” və “Meta” şirkətləri ilə bağlı araşdırmaya başlayıb.

Xezerxeber.az xəbər verir ki, bu barədə Avropa Komissiyasının mətbuat xidməti məlumat yayıb:

“Bu gün Avropa Komissiyası rəqəmsal bazarlar qanunvericiliyi çərçivəsində qanunlara riayət edilməməsi ilə bağlı araşdırmaya başlayıb. Bu, “Google Play”də idarəetmə üçün “Alphabet” qaydalarına, “App Store”da idarəetmə üzrə “Apple” qaydalarına, eləcə də bəzi “Meta” qaydalarına aiddir”.

Avropa Komissiyası araşdırmanı 12 ay ərzində başa çatdırmaq niyyətindədir. Əgər pozuntu aşkar olunarsa, AK hər bir şirkətə ümumi qlobal dövriyyələrinin 10%-nə qədər cərimə tətbiq edə bilər.