Dünyada taxıl qiymətlərinin qalxacağı gözlənilir

Rusiyanın taxıl sazişindən çıxmasından sonra taxıl bazarında qiymətlərin qalxacağı proqnozlaşdırılır.

Bu barədə "Reuters" agentliyi ekspertlərə istinadən məlumat yayıb.

Analitiklərin fikrincə, buğda fyuçerslərinin qiymətinin bazar ertəsi günü sıçrayacağı gözlənilir.

"Həftənin əvvəlində qiymətlərin qalxması ehtimalı çox yüksəkdir, çünki Ukraynadan daha az taxıl çıxacaq", - deyə ekspertlərdən biri bildirib.

Qeyd edək ki, Rusiya Ukraynanı taxıl dəhlizindən hərbi məqsədlər üçün istifadə etməkdə ittiham edib və İstanbulda imzalanan taxıl müqaviləsindən çıxdığını elan edib.

Kiyev bildirib ki, Rusiya razılaşmadan çıxmaq üçün bəhanə yaradır.