Bakıda qanunsuz taksi fəaliyyəti ilə bağlı reydlər keçirilir FOTO

Paytaxtın nəqliyyat sahəsindəki problemlər, qanunsuz taksi fəaliyyəti, parklanma və digər çatışmamazlıqların aradan qaldırılması istiqamətində tədbirlərin həyata keçirilməsi proseslərinə başlanılıb.

Bakı Şəhər İcra hakimiyyətindən xezerxeber.az-a bildiriblər ki, Bakı Şəhər İcra Hakimiyyəti başçısının tabeçiliyində Baki Nəqliyyat Agentliyi, Dövlət Yol Polisi və Dövlət Vergi Xidməti tərəfindən Bakı şəhərinin müxtəlif ərazilərində birgə reydlər keçirilir.

Reydlər zamanı əsasən lisenziyası olmayan, standartlara cavab verməyən, qanunsuz fəaliyyət göstərən taksilər aşkarlanıb, sürücülərlə müvafiq maarifləndirmə söhbətləri aparılıb, müvafiq izahatlar verilib, onlar qanunun tələblərinə uyğun fəaliyyət göstərməyə çağırılıb. Ciddi qanun pozuntularına yol verən. Fərqlənmə nişanı olmayan sürücülərə qarşı İnzibati Xətalar Məcəlləsinin müvafiq maddələrinə uyğun cərimələr tətbiq edilib.

Bu istiqamətdə reydlər aidiyyəti qurumlarla birgə daimi xarakter daşıyacaq.