Abşeronda bitkilərə zərər vuran 4 növ həşərat aşkar edilib

AMEA-nın Dendrologiya İnstitutunun Bitki mühafizəsi laboratoriyasının elmi işçiləri Abşeron yarımadasının bağ və parklarında təbii və mədəni bitkilərdə rast gəlinən zərərverici həşəratlar üzərində tədqiqatlar aparırlar.

İnstitutdan verilən məlumata görə, tədqiqatlar zamanı 4 növ həşərat aşkar edilib, onların təsnifatı, bioekoloji xüsusiyyətləri müəyyən edilib.

Araşdırmalar nəticəsində məlum olub ki, qeyd edilən ərazidə əsasən Scarabaeidea fəsiləsinə aid 4 növ lövhəbığ böcəyə rast gəlinir. Bunlar Zolaqlı xırıldaq (Blitopertha lineata), Qızılı parıldaq (Cetonia aurata), Zaqafqaziya mayböcəyi (Melolontha pectoralis) və Çilli maralça (Oxythyrea funesta) böcəkləridir.