Baş direktor: Layihənin icrası zamanı 48 arxeoloji sahə kəşf edildi

TANAP layihəsi çərçivəsində Türkiyənin mədəni inventarına 154 naməlum arxeoloji sahə daxil edilib. Müxtəlif muzeylərin rəhbərlikləri ilə birgə 25 arxeoloji qazıntı işi aparılaraq 1000-dən çox arxeoloji əsər aidiyyatı üzrə muzeyə təhvil verilib.

XəzərXəbər xəbər verir ki, layihənin baş direktoru Saltuk Düzyol TANAP-ın icrası zamanı ətraf mühitin qorunmasına öz töhvələrini də verib.

Belə ki, Ətraf Mühit və Sosial Təsirin Qiymətləndirilməsi (ƏMSTQ) çərçivəsində tikinti müddətində təbii ehtiyatları qorumaq məqsədilə əkinə yararlı torpaqların mühafizəsi, biobərpa, hidromulçalama, translokasiya, transplantasiya, kanal qazıntısız çay keçidləri kimi yeni texniki mühafizə üsulları tətbiq edilib. ƏMSTQ müddətində bu vaxtadək məlum olmayan 106 arxeoloji sahə kəşf olunub. Layihənin 5 il sürən inşaat mərhələsində bu vaxtadək məlum olmayan 48 arxeoloji sahə (nekropol, kurqan, arxeoloji məkanlar və s. ) kəşf edilib. Həmçinin Ərzurum Muzeyi və Bandırma Muzeyi ilə aparılan qazıntılarda müxtəlif tapıntılara rast gəlinib. Manyas qəsəbəsində Bandırma Muzeyinin rəhbərliyi ilə aparılan qazıntılarda Roma dövrünə (b.e.ə I əsr – b.e I əsr) məxsus heç dağıntıya uğramamış bir məzarlıq sahəsi (nekropol) aşkarlanıb. 74 məzarda 600-ə yaxın əsər əldə edilib. Hər bir məzarda 8-dək əsərə rast gəlinib. Əsərlər arasında keramika, çoxlu sayda heykəlcik, şamdan, gözyaşı şüşəsi, bürünc əşyalar var.

Ərzurum Muzeyi ilə aparılan Alaybəyi Höyük və Çayırtəpə II qazıntılarında əldə edilən əsərlər arasında gündəlik istifadə üçün nəzərdə tutulmuş keramik qablar, bütlər, qadın fiqurları, atı ilə birlikdə dəfn edilmiş gəncin və atın skeleti, at qoşqusu, bürünc silahlar və qablar, üzərində Makedoniyalı İsgəndərin təsvir olunduğu gümüş sikkə kimi tapıntılar olub. Alaybəyi arxeoloji sahəsındə əldə edilen məlumatlar ilə bölgənin tarixi yenidən yazılırkən, bu kəşflə birlikdə Şimal-Şərqi Anadolu bölgəsinin ən qədim tarixi 550 il daha geri çəkilərək, b.e.ə 4750-ci il kimi müəyyən edilib.

Rubrikanın digər xəbərləri

Azərbaycan və Rusiya arasında tranzit yükdaşımalarına dair saziş imzalanıb

15:12 • 21 Dekabr 2024

Azərbaycan nefti ucuzlaşıb

11:00 • 21 Dekabr 2024

Neft ucuzlaşıb

10:14 • 20 Dekabr 2024

Azərbaycan nefti ucuzlaşıb

09:32 • 20 Dekabr 2024

Kimlərin ödədiyi ƏDV tam geri qaytarılacaq? Açıqlama

10:39 • 19 Dekabr 2024

Bu il dünyada kömürə tələbat rekord həddə çatıb

16:00 • 18 Dekabr 2024

Azərbaycanın xarici ticarət dövriyyəsi açıqlanıb

15:38 • 18 Dekabr 2024

Rusiyalılar Türkiyədə mənzil alan əcnəbilər arasında liderdir

15:22 • 18 Dekabr 2024

Azərbaycana elektromobil idxalı artır

11:30 • 18 Dekabr 2024

Mərkəzi Bank uçot dərəcəsi ilə bağlı yeni qərar verdi

11:15 • 18 Dekabr 2024