Daha 1068 şəxsə ünvanlı sosial yardım verilməsi dayandırıldı

Əmək və Əhalinin Sosial Müdafiəsi Nazirliyi tərəfindən ünvanlı dövlət sosial yardımı (ÜDSY) təyinatının şəffaflaşdırılması və ünvanlılığının təmin edilməsi ilə bağlı davam edən araşdırmalar çərçivəsində daha 1068 vətəndaşa təyin edilən sosial yardım dayandırılıb.

Nazirlikdən XəzərXəbər-ə verilən məlumata görə, müəyyən edilib ki, ÜDSY almaq üçün bir qrup sahibkar vətəndaşlarla qısa müddətli əmək müqaviləsi bağlayıb və ÜDSY təyinatı aparıldıqdan sonra həmin müqavilələrə xitam verilib. Həmçinin müqavilə bağlanan vətəndaşların sosial sığorta vəsaitlərinin ödənilmədiyi də müəyyən olunub.

Nazirlik tərəfindən bu istiqamətdə araşdırmalar davam etdirilir və araşdırmaların nəticələrinə uyğun olaraq qanunvericilikdə nəzərdə tutulan tədbirlər görüləcək.

Ünvanlılıq və şəffaflıq prinsipi əsasında aztəminatlı ailələrin ünvanlı dövlət sosial yardımına çıxışını təmin etmək məqsədilə Əmək və Əhalinin Sosial Müdafiəsi Nazirliyi tərəfindən müvafiq addımlar atılır.

Qeyd edək ki, ÜDSY aztəminatlı ailələrə, yəni orta aylıq gəliri onlardan asılı olmayan səbəblərdən hər bir ailə üzvü üçün ehtiyac meyarının məcmusundan aşağı olan ailələrə verilir. Aztəminatlı ailəni təmsil edən yetkinlik yaşına çatmış və əmək qabiliyyətli şəxs ÜDSY-nin alınması üçün müraciət edə bilər. Bunun üçün yaşayış yeri üzrə rayon (şəhər) icra hakimiyyəti başçısının inzibati ərazi dairəsi və sahə inzibati ərazi dairəsi üzrə nümayəndəliklərinin ailə tərkibi haqqında arayışı və həmin arayışa əsasən notariat orqanı tərəfindən təsdiq edilən təmsilçilik barədə ərizə lazımdı. Bundan sonra kompüter və ya mobil telefonlardan istifadə edərək elektron qaydada müraciət etmək mümkündür.

Rubrikanın digər xəbərləri

"Bakı Sığorta" ləğv olundu

18:53 • 22 Noyabr 2024

Türkiyədə Azərbaycan-Macarıstan enerji əməkdaşlığı müzakirə edilib

16:00 • 22 Noyabr 2024

Qırğızıstan Azərbaycanla ikiqat vergitutmanı aradan qaldırıb

14:28 • 22 Noyabr 2024

Azərbaycanın MDB ölkələri ilə ticarət dövriyyəsinin həcmi açıqlanıb

13:39 • 22 Noyabr 2024

Azərbaycan nefti bahalaşıb

10:06 • 22 Noyabr 2024

Neft bahalaşıb

09:48 • 22 Noyabr 2024

Qazaxıstan Azərbaycana taxıl ixracına subsidiya verə bilər

17:59 • 21 Noyabr 2024

Ələt limanında gəmilərin dövriyyə müddəti 60 faizədək azaldılıb NAZİR

16:45 • 20 Noyabr 2024

Nazir: Neftin qiyməti azalarsa, mənfi təsirləri qarşılaya bilmək üçün ehtiyat addımlarımız var

15:33 • 20 Noyabr 2024

Yaponiya Rusiyaya avtomobil ixracını 50 faizə yaxın artırıb

14:50 • 20 Noyabr 2024