Mərkəzi Bank tədavülə yeni yubiley pul nişanları buraxıb

Cari ildə ölkəmizdə mərkəzi bankçılığın yaranmasının 100-cü ildönümü və əsası ümummilli lider Heydər Əliyev tərəfindən qoyulmuş Dövlət Neft Fondunun yaranmasının 20-ci ildönümünün qeyd olunması münasibətilə hər iki yubiley tarixlərinin əbədiləşdirilməsi məqsədilə Azərbaycan Mərkəzi Bankı (AMB) tərəfindən nominal dəyəri 5 AZN təşkil edən gümüş yubiley pul nişanları tədavülə buraxılıb.

AMB-dən xezerxeber.az-a verilən məlumata görə, yubiley pul nişanlarının çəkisi 1 troy unsiyası – 31.1 qram (+ 0.1 qram), diametri isə 38.61 millimetr təşkil edir. Pul nişanları Böyük Britaniyanın "The Royal Mint” şirkətində beynəlxalq standartlara uyğun "Pruf” texnologiyası əsasında istehsal edilib.

Mərkəzi bankçılığın 100 illik yubileyinə həsr olunmuş yubiley pul nişanının ön tərəfində iqtisadi inkişafı təcəssüm etdirən parabola xətlərinin fonunda Mərkəzi Bankın inzibati binasının təsviri, ümummilli lider Heydər Əliyevin kəlamı və imzası, arxa tərəfində isə Azərbaycan Respublikasının Dövlət Gerbi, manatın simvolu, milli naxış və ornamentlər təsvir olunub.

Neft Fondunun 20 illik yubileyinə həsr olunmuş yubiley pul nişanının ön tərəfində fondun inzibati binasının təsviri, loqosu, Azərbaycan və ingilis dillərində "Azərbaycan Respublikası Dövlət Neft Fondu” və "20 il” sözləri, arxa tərəfində isə Dövlət Gerbi, aypara, eləcə də milli naxış və ornamentlər təsvir edilib.

Yubiley pul nişanları nominal dəyərləri ilə ölkə ərazisində rəsmi ödəniş vasitəsidir.

Rubrikanın digər xəbərləri

Azərbaycan-Türkiyə sərhədində yük maşınlarının sıxlığının səbəbi nədir? RƏSMİ

17:06

Azərbaycanda "yaşıl büdcə"nin xərcləri açıqlanıb

14:00

Nazir: Bu il adambaşına düşən ÜDM-in 7200 dollar olacağı gözlənilir

13:49

Qazaxıstan Bakı-Supsa marşrutu ilə neft tədarükü imkanını nəzərdən keçirir

13:26

Azərbaycanda tərəvəz istehsalı artıb

10:55

Baş nazir qərar imzaladı

10:00

“Azərpoçt”un Xankəndi filialına bank fəaliyyəti lisenziyası verilib

09:37

Bakıdan dəmiryolu nəqliyyatı ilə ilk ixrac qatarı Çinə yola salınıb

18:33 • 24 Noyabr 2024

Qeyri-neft-qaz sektoru üzrə vergi daxilolmalarında 14 faizlik artım qeydə alınıb

09:30 • 24 Noyabr 2024

Britaniyanın ən böyük bankı Rusiya və Belarusdan ödənişləri qəbul etməyi dayandırıb

10:34 • 23 Noyabr 2024