Arda "Real" azarkeşlərini əsəbiləşdirdi

"Atletiko" klubunun türk ulduzu Arda Turan sabah La Liqada qarşılaşacaqları Madrid "Real"ı ilə oyun haqda maraqlı fikirlər səsləndirib.

XezerXeber.com-un "Sporx.com"a istinadən verdiyi məlumata görə, türkiyəli futbolçu Madrid derbisinin favoritinin məhz "Atletiko" olduğunu bildirib:

"Derbinin favoriti kimdir? Bir derbinin favoritini müəyyənləşdirmək çətindir. Ancaq Madrid derbisinin favoriti bizik. Çünki evdə oynayacağıq. "Real"ı necə məğlub edəcəyimizi daha öncə göstərdik. Həm La Liqa, həm də kubokda onları məğlub etmişik. Öz oyunumuzu oynamalı və savaşmalıyıq. Doğrudur, onların səviyyəli futbolçuları var. Ancaq biz rəqibdən daha cəsuruq. Bir "Atletiko" futbolçusu heç vaxt qorxmamalıdır. Buna görə də "Real"dan qorxmuruq".

Qeyd edək ki, "Atletiko" - "Real" oyunu sabah axşam, Bakı vaxtı ilə saat 20:00-da start götürəcək.