Yuri Syominlə yolları ayırmağa hazırlaşan "Qəbələ"nin yeni baş məşqçisi müəyyənləşib. Klub rəhbərliyi türk mütəxəssis İsmail Kartalla anlaşıb.
İsmail Kartal 2010-cu ildən "Fənərbaxça"da çalışır. Aykut Kocamanın köməkçisi olmuş 52 yaşlı mütəxəssis indi Ersun Yanala yardım edir. Məşqçiliyə "Fənərbaxça"nın aşağı yaş qruplarında başlayan İsmail Kartal daha sonra"Karabükspor", "Sivasspor", "Mardinspor", "Altay", "Malatyaspor", "Orduspor" və "Konya Şəkərspor"u çalışdırıb. O, 2004/05 mövsümündə "Sivasspor"u 1-ci liqanın qalibi edərək Super Liqaya çıxarıb.
52 yaşlı məşqçi futbolçu karyerası ərzində "Fənərbaxça" və "Adanaspor"un formasını geyinib, 1985-1986-cı illərdə Türkiyə millisində 5 oyun keçirib.
Fanat.az