Vinisius 4 oyunluq cəzalandırıla bilər

"Real Madrid"in futbolçusu Vinisius Junior cəzalandırıla bilər.

Xezerxeber.az xəbər verir ki, “kral klubu”nun forvardı “Valensiya” ilə matçın (1:2) sonunda qapıçıya zərbə endirdiyi üçün meydandan qovulub.

Beləliklə, braziliyalını 4 oyunluq diskvalifikasiya gözləyir.

Çox güman ki, Madrid nəhənginin oyunçusu həm “Malyorka” ilə İspaniya Superkubokunun yarımfinalını, həm də “Barselona” və ya “Atletik Bilbao” ilə potensial finalı buraxacaq.

Vinisius bu mövsümdə "Real" forması ilə çıxdığı 21 oyunda 13 qol vurub və 9 məhsuldar ötürmə edib.