“Elfsborq” – “Qarabağ” oyununun hakimləri açıqlanıb

“Qarabağ”ın UEFA Avropa Liqasının əsas mərhələsinin VI turunda İsveçdə "Elfsborq”a qarşı keçirəcəyi oyunun təyinatları açıqlanıb.

Xezerxeber.az UEFA-nın rəsmi saytına istinadən xəbər verir ki, qarşılaşmanı Portuqaliyadan olan hakimlər briqadası idarə edəcək.

Matçın baş hakimi Antoniu Nobre olacaq. Ona yan xətt hakimləri Pedro Ribeyru və Nelson Pereyra kömək edəcəklər.

Qeyd edək ki, dekabrın 13-də təşkil olunacaq "Elfsborq" - "Qarabağ" oyunu Bakı vaxtı ilə saat 00:00-da start götürəcək.