Çempionlar Liqası: VI tur start götürür

Bu gün UEFA Çempionar Liqasının qrup mərhələsində sonuncu - VI tura start veriləcək.

XəzərXəbər xəbər verir ki, ilk oyun günündə A, B, C və D qruplarında ümumilikdə 8 görüş keçiriləcək.

C qrupunda mübarizə aparan Türkiyə "Beşiktaş"ı Almaniyada Dortmund "Borussiya"sı ilə qarşılaşacaq. Qonaqlar avrokuboklarda mübarizə dayandırdığından, meydan sahibləri isə Avropa Liqasının pley-offunu təmin etdiklərindən qarşılaşma forma xarakter daşıyacaq. Qrupun digər görüşündə isə qrup qalibi olan Niderland "Ayaks"ı Portuqaliya "Sportinq"i ilə qarşılaşacaq.

UEFA Çempionlar Liqası
Qrup mərhələsi
V tur

A qrupu

21:45. PSJ (Fransa) - "Brügge" (Belçika)
21:45. "Leyptsiq" (Almaniya) - "Mançester Siti" (İngiltərə)

B qrupu

00:00. "Milan" (İtaliya) - "Liverpul" (İngiltərə)
00:00. "Portu" (Portuqaliya) - "Atletiko" (Madrid, İspaniya)

C qrupu

00:00. "Borussiya" (Dortmund, Almaniya) - "Beşiktaş" (Türkiyə)
00:00. "Ayaks" (Niderland) - "Sportinq" (Portuqaliya)

D qrupu

00:00. "Real Madrid" (İspaniya) - "İnter" (İtaliya)
00:00. "Şaxtyor" (Donetsk, Ukrayna) - "Şerif" (Moldova)

Qeyd edək ki, indiyədək "Mançester Siti", PSJ, "Liverpul", "Ayaks", "Sportinq", "Real Madrid" və "İnter"lə yanaşı, Almaniyanın "Bavariya", İtaliyanın "Yuventus", İngiltərənin "Mançester Yunayted" və "Çelsi" klubları da 1/8 finala adlayıb.