“Barselona”nın yeni baş məşqçisindən Messi açıqlaması

"Barselona” ilə 2 illik müqavilə imzalayan hollandiyalı baş məşqçi Ronald Kuman Kamp Nou stadionunda mətbuatla görüş keçirib.

Kuman "Futbolun ən üst səviyyəsində olan "Barselona” klubuna baş məşqçilik etməyə hazıram”, - deyə mətbuat toplantısında bildirib.

Pandemiya səbəbindən və yaxud kuboksuz il keçirdiyi üçün "Barselona”nın çətin dönəmdən keçdiyini deyən Kuman qeyd edib ki, "Asan bir dönəm deyil. Bundan əlavə "Barselona” tələbkar, daim kubok qazanmaq istəyən klubdur və belə olması üçün kifayət qədər yaxşı komandaya sahibdir”.

Yeni baş məşqçi UEFA Çempionlar Liqasının 1/4 final matçında "Bavariya” ilə baş tutan matçdakı məğlubiyyətdən də danışıb./Offsideplus.az