İspaniya nəhəngi üç məşhur futbolçusunu 300 milyon avroya satmağa hazırlaşır. "Barselona” yayda Filippe Koutinyonu, Samuel Umtitini və İvan Rakitiçi transferə çıxaracaq. İspaniya təmsilçisi transferlərdən 300 milyon avro qazanc gözləyir.
Son iki ildə "Barselona” daha çox futbolçu almaqla seçilirdi. Belə transferlərə 400 milyon avro sərf olunmuşdu.
"Barselona” "Ayaks”dan iki futbolçu almaq arzusundadır. Yarımmüdafiəçi Frenki de Yonqun transfer məbləği 80 milyon avrodur. Müdafiəçi Matiys de Liqtə də az pul ödənməyəcək.
"Atletiko”dan Antuan Qrizmannı Kataloniyaya gətirmək isə "Barselona”nı daha çox xərcə sala bilər.