"Bütün bunlar bitəndə, məni oyadın" - Nurməhəmmədov

UFC çempionu Həbib Nurməhəmmədov ABŞ-ın Nevada ştatının atletika komissiyasının qərarına münasibət bildirib.

Rusiyalı idmançı komissiyanın onu doqquz ay müddətinə yarışlardan kənarlaşdırmaq və 500 min dollar cərimə ödətdirmək qərarına özünün Instaqram səhifəsində yazdığı cümlə ilə reaksiya verib.

"Bütün bunlar bitəndə, məni oyadın”, - deyə Nurməhəmmədov yazıb.

Qeyd edək ki, Nurməhəmmədovun yarışlardan uzaqlaşdırılmasına UFC 229 turniri zamanı irlandiyalı Konor Makqreqor üzərində qələbədən sonra saldığı dava səbəb olub.

Əlavə edək ki, komissiya Makqreqoru da cəzalandırıb. İrlandiyalı idmançı kütləvi davada iştiraka görə altı ay müddətinə yarışlardan kənarlaşdırılıb və 50 min dollar məbləğində cərimələnib. (Oxu.Az)