Gədəbəydə "qan su yerinə" axıb, ölən var VİDEO/YENİLƏNİB

Gədəbəydə 3 nəfər arasında düşən mübahisə qanlı sonluqla nəticələnib. 

Xezerxeber.az xəbər verir ki, rayondakı "N" saylı hərbi hissədə müddətdən artıq Həqiqi Hərbi Xidmət etdiyi bildirilən Şəmkir sakini 25 yaşli Elpərəs İbrahimov, kafe işlədənlər Novosaratovka kənd sakinləri 37 yaşlı Teymur Tapdıqov onun qardaşı Samir Tapdıqovla şəxsu münasibətlər zəmnində mübahisə ediblər.

Məlumata görə, hadisəyə səbəb Elpərəs İbrahimovun kafedə qadını döyməsi olub

Davadan sonra tərəflər mübahisəni barışıqla sonlandırıblar.Lakin axşam saatlarında fikrini dəyişən Elpərəs yenidən kafeyə gələrək qardaşları səsləyib.

“Bu zaman o hər iki qardaşa bıçaqla zərbələr endirib.”

Nəticədə  hər iki qardaş və hərbçi  Elpərəs İbrahimov xəstəxanaya aparılıb. İlkin müayinə zamanı Teymur Tapdıqovun dünyasını dəyişdiyi bəlli olub. Faktla əlaqədar Şəmkir hərbi prokurorluğunda cinayət məcəlləsinin qəsdən adam öldürmə maddəsi ilə istintaq davam etdirilir.

Hadisənin təfərrüatı ilə bağlı əlavə məlumat veriləcəyi bildirilib.

Xezerxeber.az mövzu ilə bağlı daha ətraflı videomaterialı təqdim edir:

 11:15

Gədəbəy rayonu, Novosaratovka kəndi ərazisində yerləşən "Dəniz" adlı kafedə şəxslər arasında yaranmış mübahisə nəticəsində Tapdıqov Teymur Cümşüd oğlunun ölməsi, Tapdıqov Samir Cümşüd oğlunun və Müdafiə Nazirliyinin N saylı hərbi hissəsinin müddətdən artıq həqiqi hərbi xidmət hərbi qulluqçusu, əsgər İbrahimov Elpərəs Bəhman oğlunun müxtəlif dərəcəli bədən xəsarətləri alması faktı ilə əlaqədar Şəmkir hərbi prokurorluğunda Azərbaycan Respublikası Cinayət Məcəlləsinin 120.1-ci (Qəsdən adam öldürmə) maddəsi ilə istintaq davam etdirilir.

Xezerxeber.az xəbər verir ki, bunu hərbi prokurorun böyük köməkçisi-Hərbi Prokurorluğunun Mətbuat xidmətinin rəhbəri, Baş ədliyyə müşaviri Firad Əliyev deyib.

Belə ki, iş üzrə hadisə yerinə və meyitə baxış keçirilib, şahidlər dindirilib, müvafiq ekspertizalar təyin edilərək icraya yönəldilib, digər təxirəsalınmaz zəruri istintaq hərəkətləri həyata keçirilmiş və hazırda qanunvericiliyin tələblərinə uyğun olaraq bütün tədbirlərin görülməsinin, o cümlədən şəxslərin əməllərinə hüquqi qiymət verilməsinin təmin edilməsi məqsədilə digər istintaq-əməliyyat tədbirləri həyata keçirilir.

İstintaqın gedişatı və hadisənin təfərrüatı barədə ictimaiyyətə əlavə məlumat verilməsi təmin ediləcək.

09:00

Gədəbəy Rayon Polis Şöbəsinə rayonun Novosaratovka kəndin 2 nəfərin bıçaq xəsarəti alması, 1 nəfərin isə qətlə yetirilməsi ilə bağlı məlumat daxil olub.

Xezerxeber.az xəbər verir ki, bu barədə DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov məlumat verib.

Qeyd olunub ki. dərhal Rayon Polis Şöbəsinin və Prokurorluğunun əməkdaşları hadisə yerinə gələrək müvafiq araşdırmalar aparıb.

İlkin araşdırmalar zamanı məlum olub ki, rayon sakinləri 1986-cı il təvəllüdlü Teymur Tapdıqov, qardaşı 1981-ci il təvəllüdlü Samir Tapdıqov və 1998-ci il təvəllüdlü Elpərəs İbrahimov şəxsi münasibətlər zəminində mübahisə edərək bir-birlərinə bıçaq xəsarətləri yetirmiş nəticədə Teymur Tapdıqov ölmüş, digər 2 nəfər isə xəstəxanaya yerləşdiriliblər. Faktla bağlı araşdırmalar davam etdirilir.