Bakıda tank mərmisi aşkarlanıb FOTO

Fövqəladə Hallar Nazirliyinin (FHN) 112 - qaynar telefon xəttinə paytaxtın Binəqədi rayonu ərazisində hərbi sursat aşkarlanması barədə məlumat daxil olub.

FHN-in mətbuat xidmətindən Xezerxeber.az-a bildiriblər ki, məlumatla əlaqədar nazirliyin Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu dərhal hadisə yerinə cəlb edilib.

Ərazidə hüquq-mühafizə orqanı əməkdaşları ilə birgə müvafiq təhlükəsizlik tədbirləri görüldükdən sonra hadisə yerinə baxış keçirilib. Həmin ərazidən aşkarlanmış sursatın döyüş tətbiqinə yararlı 125 millimetrlik ZBM-29 tank mərmisi olduğu müəyyən edilib.

Sursat XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək uzaqlaşdırılıb.

Hadisə yerində və ətraf ərazidə əlavə axtarış zamanı başqa təhlükəli və ya şübhəli əşya aşkar edilməyib.