Xırdalanda sürücü piyadaları vuraraq qaçıb - ölən və yaralanan var

Abşeronda avtomobil nənə və nəvəni vurub, nəticədə bir nəfər ölüb.

Xezerxeber.az xəbər verir ki, bu barədə Daxili İşlər Nazirliyinin (DİN) mətbuat xidməti məlumat yayıb.

Bildirilib ki, hadisə oktyabrın 31-i saat 23 radələrində Xırdalan şəhəri ərazisində qeydə alınıb.

Yolu keçən şəhər sakini Solmaz Əsədova və nəvəsi Y.Əsədov müəyyən edilməyən avtomobillə vurulub. Nəticədə onlar xəstəxanaya yerləşdirilib, S.Əsədova orada ölüb.

Abşeron Rayon Polis İdarəsi tərəfindən əməliyyat-axtarış tədbirləri aparılır.