Bakıda və Abşeronda ev, Qubada isə anbar yanıb

Bakının Suraxanı rayonunda ümumi sahəsi 16 m² olan birmərtəbəli evin döşəməsi və tavanı 10 m² sahədə, içərisində 1 ədəd çarpayı yanıb. 

Xezerxeber.az-ın Fövqəladə Hallar Nazirliyinə istinadən məlumatına görə, evin qalan hissəsi yanğından mühafizə olunub. 

Abşeron rayonunun Mehdiabad qəsəbəsində də fərdi yaşayış evində yanğın olub. Ümumi sahəsi 18 m² olan birmərtəbəli evin yanar konstruksiyaları yanıb. Yaxınlıqdakı tikililər yanğından mühafizə olunub.  

Quba rayonunun Vəlvələ kəndində də yanğın baş verib. Ümumi sahəsi 800 m² olan fəaliyyət göstərməyən soyuducu anbarın sendvic paneldən ibarət üzlüyü və içərisində kabellər 240 m² sahədə yanıb. Anbarın qalan hissəsi yanğından mühafizə olunub. 

Hər üç yanğın yanğından mühafizə bölmələri tərəfindən söndürülüb.