Qvineya-Bisau XİN-in rəhbəri: Hazırda ən vacib məsələ bizim ikitərəfli əməkdaşlığı başlatmaqdır

Biz əminik ki, birlikdə irəliyə doğru hərəkət edə bilər, ölkələrimiz üçün ən yaxşı nailiyyətləri qazanmağı bacararıq.

Xezerxeber.az xəbər verir ki, bu sözləri Qvineya-Bisau Respublikasının xarici işlər, beynəlxalq əməkdaşlıq və icmalar naziri Karlos Pinto Pereia azərbaycanlı həmkarı Ceyhun Bayramovla keçirdiyi birgə mətbuat konfransında söyləyib.

Azərbaycanda çox yüksək təəssüratlarının yarandığını bildirən nazir qeyd edib: “Hazırda ən vacib məsələ bizim ikitərəfli əməkdaşlığı başlatmaqdır. Bizim ölkə təbii resurslarla zəngindir. Azərbaycanın da bu sahədə öz təcrübəsi var. Sizin təcrübənizlə biz bu sahələrdə inkişafımızı təkmilləşdirmiş olacağıq”.