İlham Əliyevin prezidentliyə namizədliyi irəli sürüldü, səlahiyyətli nümayəndələri müəyyənləşdi

Yeni Azərbaycan Partiyası İlham Əliyevin prezidentliyə namizədliyini irəli sürüb.

Xezerxeber.az-ın xəbərinə görə, bu barədə qərar YAP İdarə Heyətinin bu gün keçirilən genişləndirilmiş iclasında qəbul edilib.

Həmçinin, Yeni Azərbaycan Partiyasının növbədənkənar Prezident seçkilərinə namizədi İlham Əliyevin səlahiyyətli nümayəndələri müəyyənləşib.

YAP sədrinin müavini – Mərkəzi Aparatın rəhbəri Tahir Budaqov və YAP sədrinin müavini Əli Əhmədov prezidentliyə namizədin səlahiyyətli nümayəndələri təyin edilib.

Mərkəzi Aparatın rəhbərinin müavini Əhliman Tağıyev isə növbədənkənar prezident seçkilərində maliyyə məsələləri üzrə səlahiyyətli nümayəndə təyin olunub.