Müdafiə Nazirliyi: "Laçın-Xankəndi yolunda nəzarət-keçid məntəqəsi yaradılmalıdır"

Bu gün baş vermiş insident bir daha Azərbaycan tərəfindən Laçın-Xankəndi yolunun üzərində müvafiq nəzarət-keçid məntəqəsinin yaradılmasının zəruri olduğunu göstərir.

Bu barədə Xezerxeber.az-a Azərbaycan Müdafiə Nazirliyindən bildirilib.

Məlumatda bildirilir ki, Ermənistanın yenə də Azərbaycanın Qarabağ iqtisadi rayonuna hərbi daşınmaları həyata keçirməsi faktı bu ölkənin Azərbaycana qarşı davam edən təcavüzü və terror siyasətidir: "Törədilmiş təxribata görə bütün məsuliyyət Ermənistan hərbi-siyasi rəhbərliyinin üzərinə düşür".