Elm və Təhsil Nazirliyi MƏLUMAT YAYDI - məktəbli formaları ilə bağlı...

Bakı Tikiş Evinin qarşısında məktəbli forması ilə bağlı izdiham yaşanır. Valideynlər forma tapmaqda çətinlik yaşadıqlarını deyirlər.

Məsələ ilə bağlı Elm və Təhsil Nazirliyi açıqlama verib.

Nazirliyin mətbuat katibi Cəsarət Valehov bildirib ki, məktəbli formaları ilə bağlı Elm və Təhsil Nazirliyi hər hansı şirkətlə əməkdaşlıq etmir, sifariş həyata keçirmir, bu işlə özəl müəssisələr məşğul olurlar.

“Məktəbli forması olmadan tədrisin ilk günü məktəbə getmək olmaz deyə məcburiyyət yoxdur. Valideynlər formanı sonra da ala bilərlər”, - deyə əlavə edilib.