Azərbaycanda bu məhsulların aksiz vergisi 1 manata endirildi

Baş nazir Novruz Məmmədov "Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələri”ndə dəyişikliklər edib.

Dəyişikliyə görə, "Azərbaycan Respublikasının ərazisinə gətirilən aksizli malların aksiz dərəcələri”ndə 2710 12 110 0 alt yarımmövqeyinə aid sətrin "Aksiz dərəcələri (ölçü vahidinə görə, manatla)” sütununda "1 ton üçün 80 manat” sözləri "1 ton üçün 1,0 manat” sözləri ilə əvəz edilib.

Bu Qərar dərc edildiyi gündən 30 (otuz) gün sonra qüvvəyə minir.

Qeyd edək ki, həmin alt yarımmövqeyə "yüngül distilyatlar və məhsullar: emalın spesifik prosesləri üçün” nəzərdə tutulan məhsullar daxildir.