Azərbaycanda Prezident seçkiləri üçün seçki bülletenlərinin çapına başlanılıb.
XəzərXəbər-in xəbərinə görə, bülletenlər Milli Məclisin mətbəəsində çap edilir. Ümumilikdə, 5 milyon 347 min 803 seçki bülleteninin hazırlanması nəzərdə tutulub.
Mərkəzi
Seçki Komissiyasının (MSK) sədri Məzahir Pənahov bildirib ki, aprelin
11-nə təyin edilmiş prezident seçkiləri ilə əlaqədar "exit-poll”
keçirmək üçün təşkilat MSK-ya sənədlərini təqdim edib. Onun sözlərinə
görə, müraciətlərlə bağlı MSK qərar qəbul edəcək.
MSK-nın təsdiqlədiyi Azərbaycan Prezidenti
seçkilərinin hazırlanıb keçirilməsi üzrə əsas hərəkət və tədbirlərin
Təqvim Planına əsasən, bülletenlərin çapı səsvermə gününə ən azı 10 gün
qalmış, yəni aprelin 1-dək başa çatdırılmalıdır.
MSK səsvermə
gününə azı 5 gün qalmış, yəni aprelin 6-dək seçki bülletenlərini dairə
seçki komissiyalarına verməlidir. Səsvermə gününə azı 3 gün qalmış, yəni
aprelin 8-dək dairə seçki komissiyaları seçki bülletenlərini məntəqə
seçki komissiyalarına paylamalıdırlar.
Qeyd edək ki,
Azərbaycanda prezident seçkiləri aprelin 11-nə təyin edilib. Ölkədə 5
milyon 309 min 434 seçici var. Seçki Məcəlləsinə əsasən, seçki
bülletenlərinin sayı seçicilərin sayından 3 faiz artıq olmalıdır.