Kaliforniyada fövqəladə vəziyyət elan olunub

Kaliforniyada fövqəladə vəziyyət elan olunub.

Xezerxeber.az xəbər verir ki, bu barədə ştat qubernatorunun rəsmi saytında məlumat yayılıb.

Bildirilib ki, qubernator Qavin Nyusom Cənubi Kaliforniyada sürətlə yayılan meşə yanğını səbəbindən təxminən 30 min insanın təxliyə edilməsi əmrindən sonra bu qərarı verib.

Meşə yanğını çərşənbə axşamı səhər saatlarında Los-Ancelesin zəngin yaşayış məhəlləsində qeydə alınıb. Günortadan sonra yanğın təxminən 5,1 kvadratkilometr ərazini əhatə edib.

Los Anceles yanğınsöndürmə idarəsinin məlumatına görə, yanğın bir çox evlərə ziyan vurub və 10 mindən çox mənzil təhlükə ilə üzləşib.