HƏMAS razılaşmanın ilk mərhələsində 34 girovu azad etməyə razıdır

Fələstinin HƏMAS hərəkatı Qəzza sektorunda atəşkəs razılaşmasının birinci mərhələsi çərçivəsində 34 israilli girovu azad etməyə hazırdır.

Xezerxeber.az xəbər verir ki, Asharq telekanalının məlumatına görə, İsrailin təqdim etdiyi və HƏMAS-ın təsdiqlədiyi siyahıya qadınlar, uşaqlar və xəstələr daxildir.

2023-cü ilin noyabr ayının sonunda Misir və Qətərin vasitəçiliyi ilə Qəzza sektorunda əldə edilən birhəftəlik humanitar atəşkəs rejimi zamanı HƏMAS 110 girovu azad edib. Lakin dekabrın 1-də atəşkəs rejimi pozulub və Qəzzada yenidən döyüşlər başlayıb. 2024-cü ildə Misir, Qətər və ABŞ-ın iştirakı ilə keçirilən atəşkəs üzrə sonrakı danışıqlar heç bir nəticə verməyib.

Yanvarın 2-də İsrailin Baş naziri Binyamin Netanyahunun ofisi HƏMAS-la danışıqları bərpa etmək üçün tezliklə Qətərə nümayəndə heyəti göndəriləcəyini elan edib.