Fransızların 63 faizi Makronun istefasını istəyir

Fransızların 63 faizi Mişel Barnye hökuməti senzuraya məruz qalacağı təqdirdə, Emmanuel Makronun istefasının tərəfdarı olacaqlarını bildirib.

Respondentlərin 53 faizi hesab edir ki, Emmanuel Makron mövcud siyasi qeyri-sabitliyə, xüsusən də iyunda Milli Assambleyanı buraxmaq qərarına görə məsuliyyət daşıyır.

Bu barədə “Elabe” tədqiqat və sorğu institutunun apardığı sosial sorğunun nəticələrində qeyd olunub. Bildirilib ki, Prezident Emmanuel Makronun populyarlığı hələ də ən aşağı səviyyədədir. Hər 10 fransızdan 6-dan çoxu Mişel Barnye hökumətinin senzuraya məruz qalacağı təqdirdə, Emmanuel Makronun istefasını görmək istədiyini bildirib.

CSA sorğu institutunun “Avropa 1”, “Cnews” və “Le Journal du Dimanche” üçün apardığı sorğunun nəticəsinə əsasən də fransızların əksəriyyətinin istədiyi budur. Respondentlərin 62 faizi Mişel Barnye hökumətinin istefası təqdirində Emmanuel Makronun Yeliseyi tərk etməsini istəyir.

Sol təmayüllü seçicilərin 65 daizi, LFI tərəfdarlarının 91 faizi növbədənkənar prezident seçkilərinin keçirilməsini dəstəkləyir.

Sağlara gəldikdə, Emmanuel Makron üçün vəziyyət o qədər də yaxşı deyil. Seçicilərin 57 faizi Barnye hökuməti senzuraya məruz qalacağı təqdirdə, onun vəzifədən getməsini istəyir. Bu siyasi ssenarinin baş verəcəyi təqdirdə, Milli Birlik (RN) partiyasına səs vermiş fransızların 87 faizi E. Makronun istefa verməsinin lehinə olacaq. (AZƏRTAC)