Hakan Fidan: Türkiyənin Ermənistanla münasibətləri Azərbaycanla sülh müqaviləsi bağlandıqdan sonra normallaşacaq

"Ankara və İrəvan arasında münasibətlər Azərbaycan və Ermənistan arasında sülh müqaviləsi bağlandıqdan sonra normallaşacaq".

Xezerxeber.az-ın "Turkiye" nəşrinə istinadən verdiyi məlumata görə, bunu Türkiyənin xarici işlər naziri Hakan Fidan bildirib.

Onun sözlərinə görə, Ankara Azərbaycan və Ermənistan arasında sülhün əldə olunmasını Cənubi Qafqazda sabitliyin təmin edilməsi üçün vacib element hesab edir.

"Biz razılaşmaların əldə olunması üçün maksimum dəstək göstəririk və tərəflərin onlara yaxınlaşdığını görməkdən məmnunuq. Sərhədlə bağlı son qərarlar bu irəliləyişin yaxşı nümunəsidir", - deyə Türkiyənin XİN rəhbəri vurğulayıb.