Venesiyaya giriş qiyməti ikiqat artacaq

2025-ci ildən etibarən İtaliyanın Venesiya şəhərində qalınan hər gün üçün 10 avro məbləğində şəhərə giriş haqqı tutulacaq.

Xezerxeber.az xarici mediaya istinadla xəbər verir ki, şəhər rəhbərliyi bəzi insanları ziyarətdən çəkindirəcəyinə ümid edərək, aprel ayında giriş vergisi tətbiq edib. Sistem pik ziyarət dövrlərində turist axınını idarə etmək üçün nəzərdə tutulub.

Biletin qiyməti səfərdən əvvəl son dörd gün ərzində ödəyənlər üçün 5 avroya, gəlişdən üç gün əvvəl bunu bacaranlar üçün 10 avroya başa gələcək.

“Bu tədbir 2023-cü ildə əlavə və dəyişikliklər edilmiş 2019-cu ilin büdcə qanununa əsasən tətbiq edilir. Bu, yeni turizm idarəetmə sistemini müəyyənləşdirmək və müəyyən dövrlərdə Venesiyada gündəlik turizmə nəzarət məqsədi daşıyır. Yeni qayda şəhərin həssaslığına və unikallığına uyğundur”, - deyə şəhərin meri Luiçi Bruqnaro deyib.

2023-cü ilin aprelində yol biletləri sınaqlarının başlaması mübahisələrə və etirazlara səbəb oldu. Ada sakinləri arasında yerli əhalinin azalması fenomeni ilə mübarizə üçün investisiya və səylər göstərməyə çağırışlar edildi.