Lavrov: BRICS başqa təşkilatların üzvləri ilə münasibətlər qurmağa açıqdır

BRICS-də müəyyən təşkilatların üzvlərinin bu assosiasiya ilə əlaqəsi ola bilməyəcəyi ilə bağlı qaydalar yoxdur.

Xezerxeber.az xəbər verir ki, Rusiyanın xarici işlər naziri Sergey Lavrov Türkiyənin BRICS-ə qoşulmaq niyyətini şərh edib.

“Türk rəsmilərindən birinin Türkiyənin təxminən 70 ildir NATO-ya üzvlüyü və Avropa Birliyinə namizəd statusu ilə bağlı dediyi kimi, BRICS-də müəyyən təşkilatların üzvlərinin bu qurumla əlaqəsi ola bilməyəcəyini bildirən heç bir qayda yoxdur”, - deyə Lavrov bildirib.

Nazirin sözlərinə görə, tamhüquqlu üzvlər və BRICS ilə müxtəlif formalarda əməkdaşlığı inkişaf etdirən ölkələr üçün əsas amil ümumi dəyərləri bölüşməkdir.