Aviaşirkətlər Beyruta uçuşları təxirə salır

İsraillə Livan arasında müharibə təhlükəsi fonunda aviaşirkətlər Beyruta uçuşları təxirə salır.

“Əl Ərəbiyə” telekanalı xəbər yayıb ki, Yunanıstanın Egey Hava Yolları və Almaniyanın “Condor” aviaşirkəti iyulun 30-da Beyruta uçuşları ləğv edib.

İsraillə silahlı siyasi qrup “Hizbullah” arasında gərginliyin artması səbəbindən son günlərdə Livanın paytaxtına uçuşları dayandıran “Aegean” aviaşirkəti uçuşları qeyri-müəyyən müddətə dayandıracağını bildirib, “Condor” isə çərşənbə axşamı Düsseldorfdan aviareysləri ləğv edib.

Bazar ertəsi “Air France” və “Lufthansa Group”, habelə İsveçrənin “Eurowings” aviaşirkəti də uçuşların ləğv edildiyini açıqlayıblar.

Beyrutun Rafik Hariri Beynəlxalq Hava Limanı çərşənbə axşamı “Pegasus”, “Emirates”, “Royal Jordanian”, “EgyptAir”, “Iran Air”, “Qatar Airways” və “Etihad” daxil olmaqla hava yollarından gələnləri qarşılasa da, bir sıra digər aviaşirkətlər bəzi reysləri dayandırıb, gecikdirib və ya ləğv edib.

Livanın şənbə günü İsrailin işğalı altında olan Qolan təpələrinə endirdiyi zərbədən sonra İsrail qisas almağa hazırlaşır. “Hizbullah” 12 uşaq və yeniyetmənin həlak olduğu raket hücumunda əli olması iddialarını inkar edib.