Ukraynada dövlət çevrilişi hazırlayan mütəşəkkil dəstə ifşa edilib FOTO

Ukraynanın Təhlükəsizlik Xidməti ölkədə kütləvi iğtişaşlar və dövlət çevrilişi hazırlayan mütəşəkkil dəstənin üzvlərini həbs edib.

Xezerxeber.az-ın xəbərinə görə, bu barədə Ukraynanın Təhlükəsizlik Xidmətinin internet saytında məlumat verilib.

Bildirilib ki, qruplaşma ölkənin Konstitusiya Günü ərəfəsində hakimiyyətin zorla ələ keçirilməsi məqsədilə kütləvi iğtişaşların, eləcə də dövlət çevrilişinin həyata keçirilməsi üzrə xüsusi plan tərtib edib. Qruplaşmanın adı istintaq sirri olduğu üçün açıqlanmayan rəhbəri ətrafına topladığı şəxslərə Ali Radanın binasını ələ keçirmək, eləcə də həm yerli, həm də xarici kütləvi informasiya vasitələri ilə bu barədə məlumat yayıb əhalidə təşviş yaratmaqla bağlı tapşırıq verib. 

Onların yaşadığı evlərdə aparılan axtarışlar zamanı çox sayda silah-sursat götürülüb.

Qeyd edək ki, yerli qanunvericiliyə əsasən, bu əmələ görə 10 ilədək həbs cəzası nəzərdə tutulub.