Finlandiyanın Baş naziri Petteri Orpo təhlükəsizliyinin gücləndirilməsini ölkə üçün ən vacib vəzifə adlandırıb.
Xezerxeber.az xəbər verir ki, bu barədə o, Yeni il müraciətində bildirib.
"Finlandiya hökumətinin ən mühüm vəzifəsi ölkənin təhlükəsizliyini gücləndirməkdir. Ölkənin şərq sərhədindəki iğtişaşlar səngiməyib, hökumət vəziyyəti diqqətlə izləyir və alətləşdirilmiş immiqrasiyaya son qoymaq üçün yeni həll yolları hazırlayır", - deyə Petteri Orpo qeyd edib.
Baş nazir Ukraynadakı münaqişəyə də toxunub. “Ağır silah-sursat istehsalı gücünü artırmaq kimi milli qərarlarımız Ukraynaya uzunmüddətli dəstək verəcək”, - deyə P.Orpo vurğulayıb.