ABŞ Müdafiə Nazirliyi İsrailə dəstək nümayiş etdirdi

Pentaqonun rəhbəri Lloyd Ostin İsrailin özünümüdafiə hüququnu bəyan edib və bildirib ki, ABŞ-nin bu məsələdə mövqeyi sarsılmaz olaraq qalır.

Xezerxeber.az xəbər verir ki, bu barədə onun ABŞ Müdafiə Nazirliyinin saytında dərc olunmuş bəyanatında deyilir.

Sənəddə qeyd olunur ki, nazir İsraildəki hadisələrin inkişafını diqqətlə izləyir və ölkəyə yardım vəd edib. Yaxın vaxtlarda Müdafiə Nazirliyinin İsraili özünümüdafiə və vətəndaşların zorakılıq və terrorizmdən qorunması üçün lazım olan hər şeyi təmin etmək üçün tədbirlər görəcəyi bildirilir.